Franciscu Xavier

Franciscu Xavier
apóstol
Vida
Nacimientu	Javier[1], 7 d'abril de 1506[2]
Nacionalidá	Reinu de Navarra  (7 abril 1506 -  1512) Corona de Castiella  (1512 -  3 avientu 1552)
Llingua materna	vascu Navarroaragonés
Muerte	Isla Shangchuan (es) [3], 3 d'avientu de 1552[1] (46 años)
Sepultura	basílica del Buen Jesús de Goa (es)
Familia
Padre	Juan de Jaso
Madre	María de Azpilicueta
Casáu con	ensin valor
Fíos/es	ensin valor
Hermanos/es	Miguel de Jaso Azpilicueta (es) Joanes Jatsu Azpilikuetakoa
Estudios
Estudios	Universidad de París (es) Collège Sainte-Barbe (es) (1525 (Gregorianu) - 1530 (Gregorianu)) Master of Arts (es)
Llingües falaes	castellanu llatín[4] portugués[5] vascu[6]
Profesor de	Bernardo de Kagoshima (es)
Oficiu	misioneru, escritor, esplorador, presbíteru católicu romanu
Participante list of Catholic missionaries (en) desembarco de Kagoshima (es)
Llugares de trabayu	Viena
Emplegadores	Ilesia Católica
Miembru de	cristianismu occidental
Santoral
3 d'avientu
Creencies
Relixón	Ilesia Católica
Orde relixosa	Compañía de Xesús

Francisco de Jaso y Azpilicueta, más conocíu como Francisco Javier, o tamién como Francisco Xavier, Francisco de Javier o Francés de Jaso (* 7 d'abril de 1506 –† 3 d'avientu de 1552), foi un relixosu y misioneru navarru de la Compañía de Xesús nacíu na llocalidá de Javier (España) y fináu na isla Shangchuan (China). Foi canonizáu pola Ilesia católica col nome de san Francisco Javier.^[7]

Francisco Javier foi un misioneru xesuita de primer orde, miembru del grupu precursor de la Compañía de Xesús y estrechu collaborador del so fundador, Inaciu de Loyola. Destacó poles sos misiones que se desenvolvieron nel oriente asiáticu y nel Xapón. Recibió'l nomatu de Apóstol de les Indies.

== Circunstancies históriques de la so nacencia Nacida como Francisco Jasso Azpilicueta Atondo y Aznarez, señor de Javier, más conocíu como Francisco Javier, nació en 1506 nel Castiellu de Javier, nel Reinu de Navarra. El so padre, Juan de Jasso, señor de Javier, yera presidente del Real Conseyu de los Reis de Navarra Juan d'Albret y Catalina de Foix.

Seis años más tarde, en 1512, con ocasión del pactu del reinu de Navarra con Francia, empecípiase la conquista de Navarra poles tropes castellanu-aragoneses al mandu de Fadrique Álvarez de Toledo, duque d'Alba, por orde de Fernando'l Católicu, rei yá d'Aragón y Castiella. Cola lliberación de Navarra del control de Francia produz la unidá política d'España d'alcuerdu al conceutu actual de la mesma (esto ye, ensin Portugal). Ocúpense gran parte de les places del Reinu de Navarra, cuntando col sofitu de los descendientes del noble beaumontés Luis de Beaumont, exiliaos en Castiella, los llamaos beaumonteses y que s'enfrentaren a los agramonteses nun llargu conflictu civil que rematara a empiezos del sieglu XVI. Tres la invasión parcial del Reinu de Navarra poles tropes castellanu-aragoneses con fuerte presencia guipuzcoana, produciéronse delles contraofensives de los lleales a los Albret, nesti casu con fuerte sofitu francés, lluches que duraron hasta 1530.

En 1516, fináu'l padre nel exiliu un añu antes, los hermanos de Francisco participen nuna infructuosa ofensiva col profrancés Rei de Navarra Juan d'Albret, siendo la familia de Francisco privada de les sos propiedaes, y el castiellu esmocáu por orde del Gobernador, el Cardenal Cisneros.

En 1521, una invasión francesa qu'enfusaría hasta Castiella dexa a los lleales a Juan d'Albret recuperar fugazmente el control cuasi total del Reinu, anque dura pocu tiempu, perdiendo la parte al sur de los pirineos, Alta Navarra, en 1524 (cola cayida de la plaza Navarra de Hondarribia), ente que na Baxa Navarra, al norte de los Pirineos, caltendríase lleal a Juan d'Albret na órbita francesa.

En 1530, siendo Carlos I rei d'España, este abandona les sos aspiraciones a ocupar el restu del Reinu de Navarra que se caltendría como reino semi-independiente, y finalmente, al traviés de llazos matrimoniales xunir cola corona francesa col títulu de Reis de Francia y Navarra. La parte surpirenaica de l'Alta Navarra, cola que se peracaba la Corona d'España (entendíu'l vocablu d'alcuerdu al usu actual, esto ye, ensin incluyir Portugal) caltendría les sos instituciones, privilexos y denominación como Reinu hasta'l sieglu XIX en que se tresforma nuna provincia foral. La parte que quedó en Francia, la Baxa Navarra, caltendría la so estatus de Reinu hasta l'abolición de los privilexos de los territorios de la monarquía francesa, tres la Revolución Francesa a finales del sieglu XVIII.

Francisco abrazara la carrera eclesiástica y marcha en 1528 a París a la Universidá de la Sorbona, onde conoz a Ignacio de Loyola, con quien va fundar más palantre la Compañía de Xesús. Anque de primeres nun sintió simpatía por Ignacio de Loyola, terminó siendo'l so meyor amigu y collaborador. Efeutivamente, dase la circunstancia de qu'en 1521, previu a empecipiar la so vocación eclesiástica, san Ignacio, nesi momentu Iñigo de Loyola, combatiera coles tropes guipuzcoanes imperiales contra los franceses del Duque de Foix (que sofitaben a Juan d'Albret), nes que combatíen, xunto a otros navarros, los hermanos de san Francisco Javier, cayendo Ignacio mancáu nel sitiu de Pamplona.

1. ↑ ^{1,0 1,1} Identificador DBE: 9857/san-francisco-javier.
2. ↑ Afirmao en: BeWeb. Identificador BeWeb de persona: 2444. Data de consulta: 13 febreru 2021.
3. ↑ URL de la referencia: http://www.britannica.com/EBchecked/topic/650577/Saint-Francis-Xavier/8051/Years-in-Japan.
4. ↑ Identificador CONOR.SI: 70896995. Afirmao en: CONOR.SI.
5. ↑ URL de la referencia: https://dialnet.unirioja.es/servlet/tesis?codigo=178860.
6. ↑ URL de la referencia: https://books.google.es/books?id=IBItnnOq_ZMC&printsec=frontcover&source=gbs_ge_summary_r&cad=0#v=onepage&q=Francisco%20Javier&f=false.
7. ↑ http://www.santopedia.com/santos/san-francisco-javier/ San Francisco Javier